Dövlət Komitəsi zorakılığa məruz qalan qadınlara uyğunsuz məsləhətlər verən ailə üzvlərini qınayıb

"Bəzi hallarda ailə üzvləri məişət zorakılığı qurbanına çevrilən qadınlara daha çox dözmək və polisə müraciət etməməklə bağlı məsləhət verdiklərini deyirlər".

"Report" xəbər verir ki, bunu Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdiri Taliya İbrahimova jurnalistlərə açıqlamasında deyib.

O, qətl hadisələrinin birdən-birə baş vermədiyini vurğulayıb. Şöbə müdirinin sözlərinə görə, bu cür faciələr uzun illər yığılan psixoloji, iqtisadi və fiziki zorakılıqların nəticəsində əmələ gəlir:

"Bu baxmdan vaxtında müraciət önəmlidir. Komitəyə edilən müraciətlərdə daha çox psixoloji təzyiqin üstünlük təşkil etdiyini görürük. Müraciətlər əsasən 25-40 yaş arasında olur".