Yuxarı

"Dəyərlərimizi öyrənək" intellektual yarışının final mərhələsi keçirilib

"Dəyərlərimizi öyrənək" intellektual yarışının final mərhələsi keçiril

Bakı şəhərində Mənəvi Dəyərlərin Təbliği Fondunun təşkilatçılığı və Azərbaycan Respublikası Təhsil Nazirliyinin dəstəyi ilə “Dəyərlərimizi öyrənək” adlı layihə çərçivəsində məktəblilər arasında intellektual yarışın final mərhələsi keçirilib. 

Qurumdan "Report"a verilən məlumata görə, finalda ölkənin 9 müxtəlif regionunda keçirilən yarışlarda qalib gəlmiş komandalar iştirak edib.

Tədbirdə iştirak edən Mənəvi Dəyərlərin Təbliği Fondunun icraçı direktoru Mehman İsmayılov və Bakı Şəhər Təhsil İdarəsinin nümayəndəsi Rövşən Əliyev yarış iştirakçılarına öz tövsiyələrini verib və onlara uğurlar arzulayıb.

Maraqlı mübarizə şəraitində keçən final görüşündə Bakı şəhərinin "Sahil" komandası qalib olub. Lənkəran şəhərinin "Zəka" komandası 2-ci, Zaqatala rayonunun "Qələbə" komandası isə 3-cü yerə layiq görülüb. 

Qaliblər pul mükafatı, diplom və hədiyyələrlə mükafatlandırılıb. Finalda iştirak etmiş digər bölgələrin komandaları isə sertifikat və müxtəlif hədiyyələrlə təltif edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi