Bu ilin sonunadək Özünüməşğulluq proqramında iştirak etmək üçün 1500 nəfər seçiləcək

Bakı. 21 sentyabr. REPORT.AZ/ “Bu ilin sonunadək Özünəməşğulluq proqramında iştirak etmək üçün 1500 nəfər seçiləcək”.

“Report” xəbər verir ki, bunu jurnalistlərə açıqlamasında əmək və əhalinin sosial müdafiəsi naziri Səlim Müslümov deyib.

O bildirib ki, hazırda 19 rayonda Özünəməşğulluq proqramında iştirak etmək üçün müraciət etmiş 367 nəfər işaxtaran və işsiz vətəndaş üçün hər biri iki aylıq olmaqla təlimlər həyata keçirilir: “Təlimlər zamanı iştirakçılara biznesin təşkili ilə biliklərin aşılanması və təlim müddətində onlar tərəfindən öznəməşğulluq fəaliyyəti göstərəcəklərini müvafiq istehsal və xidmət sahələri üzrə biznes-planların hazırlanması nəzərdə tutulur. Biznes-planların nazirlikdə yaradılmış müvafiq komissiya tərəfindən qiymətləndirilməsi və müdafiəsi prosesinin nəticəsinə uyğun olaraq seçilən şəxslərin öznəməşğulluq fəaliyyətinə başlamaları məqsədilə şəxsi ailə təsərrüfatlarını qurmaları üçün mal və materiallarla təminatı həyata keçiriləcək”.