Bu il sosial ödənişlərə 2 milyard manatdan çox vəsait xərclənib

Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu bu ilin yanvar-aprel aylarında pensiya, müavinət, təqaüd, ünvanlı dövlət sosial yardımı üzrə əhaliyə ötən ilin eyni dövrünə nisbətən 6,0% və ya 113,9 milyon manat çox olmaqla 2 milyard 25 milyon manat vəsait ödəyib.

Nazirlikdən "Report"a verilən məlumata görə, bu sosial ödənişlər ümumilikdə 2 milyon 350 min şəxsi əhatə edib.