Bu il Dövlət Sosial Müdafiə Fondunun gəlirləri 208 milyon manat artıb

Əmək və Əhalinin Sosial Müdafiəsi Nazirliyin tabeliyindəki Dövlət Sosial Müdafiə Fondunun gəlirləri artıb.

Bu barədə "Report"a nazirlikdən məlumat verilib.

Bildirilib ki, bu ilin 9 ayında fondun sosial sığorta daxilolmalarında daha 8% və ya 208 milyon manat artım olub. Büdcə təşkilatları üzrə illik proqnoz 105%, qeyri-büdcə sektoru üzrə illik proqnoz 113% icra edilib.