Bu il Bakıda açılacaq DOST Mərkəzlərinin sayı məlum olub

"Bu il yeni mərkəzlərin açılması ilə, eyni zamanda, 5 saylı DOST mərkəzinin açılması ilə Bakıda mərkəzlərin sayı yekunlaşdırılacaq".

“Report” xəbər verir ki, bunu DOST Agentliyinin İdarə Heyəti sədrinin müavini Seymur Alıyev deyib.

Sədr müavininin sözlərinə görə, bu il əsas regional mərkəzlərin Bərdədə, Qubada, Sabirabadda və Gəncə şəhərində açılması planlaşdırılır”.

O qeyd edib ki, DOST Agentliyi artıq Bakı şəhərini tam əhatə edir: "Qarabağ proqramı ilə bağlı onu deyə bilərəm ki, Zəngilanın Ağalı kəndində ilk məskunlaşma həyata keçiriləcək. Orada xüsusi ağıllı DOST konsepsiyasının həyata keçirilməsi nəzərdə tutulub. Prezidentin bu ili Şuşa ili elan etməsi ilə bağlı bu ilin dekabrında Şuşa DOST filialının açılışı nəzərdə tutulub".