Yuxarı

Bir ildə Əmək və Əhalinin Sosial Müdafiəsi Nazirliyinin 700-ə yaxın əməkdaşı cəzalandırılıb

Bakı. 15 yanvar. REPORT.AZ/ Daxili nəzarət tədbirlərinin nəticəsi olaraq ötən il Əmək və Əhalinin Sosial Müdafiəsi Nazirliyinin mərkəzi aparatı və struktur bölmələri üzrə 687 əməkdaş barəsində intizam tənbeh tədbiri tətbiq olunub. 

Bu barədə "Report"a nazirliyin İctimaiyyətlə əlaqələr şöbəsindən məlumat verilib. 

Həmçinin nazirliyin 26 struktur vahidi üzrə audit yoxlamaları aparılıb, 4 struktur vahidi üzrə audit yoxlamaların nəticələrinə dair tərtib edilən sənədlər müvafiq araşdırma və hüquqi qiymət verilməsi üçün Baş Prokurorluğa göndərilib.

İl ərzində 255 nəfər isə dövlət qulluğuna qəbulla bağlı qanunvericilik qaydasında nazirlik sistemində işə qəbul edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi