Biləsuvarda sakinlər təmirsiz yollardan və susuzluqdan əziyyət çəkirlər

Biləsuvar şəhər Pərvin Əliyev küçəsinin bir neçə problemi sakinləri narahat edir.

Bu barədə "Report"un yerli bürosuna küçə sakinləri məlumat verib.

Onların sözlərinə görə, bu küçədə olan yeni məhəllə təxminən 5 ildir ki, salınıb: "Suyumuz yoxdur, yollar təmirsizdir, gecə də küçəmiz işıqlandırılmır. 150-ə yaxın sakin yaşayır burada. İçməli suyu məcbur qalıb pulla alırıq. Xahiş edirik ki, aidiyyəti qurumlar bizim problemləri həll etsinlər".

Məsələ ilə bağlı Biləsuvar rayon İcra Hakimiyyətinə müraciət etdik.

Qurumdan bildirildi ki, problemlər mərhələli şəkildə həll ediləcək.