​Bakı bulvarında atraksionlar 3 saatlıq ödənişsiz uşaqların ixtiyarında olub

Bakı. 28 dekabr. REPORT.AZ/ Bu gün Dənizkənarı Milli Parkda 15 yaşınadək olan uşaqlar üçün atraksionlardan pulsuz istifadə aksiyası keçirilib.

Dənizkənarı Bulvar İdarəsinin rəis müavini Nazim Məcidov "Report"a bildirib ki, aksiya yüksək səviyyədə baş tutub: "Aksiyaya minlərlə insan qatıldı. Bulvar ərazisində olan bütün atraksionlar, karusel, qatar, gəmilər saat 10:00-dan 13:00-dək uşaqların ixtiyarında oldu".

N.Məcidov onu da bildirib ki, aksiya ərzində heç bir problem yaşanmayıb və sakinlər razı qalıb.

Hələ ki, növbəti aksiyanın nə zaman keçiriləcəyi açıqlanmayıb.