Azərbaycanlı fəal atəş altında yaşayan ukraynalılara yardım çatdırılmasına başlayıb 

Ukraynada yaşayan azərbaycanlı könüllü Şamxal Quliyev yeni humanitar aksiyaya start verib.

"Report"un Şərqi Avropa bürosunun məlumatına görə, o, bu dəfə ölkənin şimal - şərq və şərqində, Belarus və Rusiya ilə sərhəd zolağında yerləşən, daim atəş altında olan və bir çox humanitar fondların daxil olmaqda çətinlik çəkdiyi kəndlərə humanitar yardım çatdırmağa başlayıb.

Əsasən qida, uşaq təchizatı və dərman avadanlıqlarının olan yardım yüklərini həmyerlimiz Çerniqov vilayətindən çatdırır. Belə ki, vilayətin Rusiya və Belarus ilə sərhədində yerləşən və daimi atışma altında olan kəndlərə yardım çatdıran Ş.Quliyev aksiyanı Donetsk vilayəti və Xarkov vilayəti üzrə təmas xəttində yaşayan sakinlər üçün davam etdirir.