Yuxarı

Vətəndaşlar cərimələrinin olub-olmaması barədə çıxarışı “ASAN ödəniş” sistemindən əldə edə biləcəklər

İnzibati tənbeh tətbiq edilməsi ilə bağlı qərarlara dair məlumatlar vətəndaşlara ödənişsiz olaraq SMS vasitəsilə göndəriləcək

Bakı. 8 iyun. REPORT.AZ/ İnzibati cərimələr və məhkəmə qərarlarının icrası üzrə ödənişlərin həyata keçirilməsini nəzərdə tutan www.asanpay.az portalı istifadəçi rahatlığı baxımından yenilənib.

Bu barədə “Report”a  Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi İnformasiya təminatı şöbəsindən məlumat verilib.

Belə ki, portala bir sıra yeni funksiyalar əlavə olunub. Yeni funksiyalardan biri “ASAN ödəniş” portalı vasitəsilə vətəndaşın cari vaxta cəriməsinin olub-olmaması barədə çıxarışı əldə edə bilməsidir. Bunun üçün www.asanpay.azportalı üzərindən şəxsi kabinetdə “Çıxarışlar” bölməsinə daxil olmaq kifayətdir.

“ASAN ödəniş” sisteminin istifadəçilərə yaratdığı digər imkanlardan biri də inzibati tənbeh tətbiq edilməsi ilə bağlı qərarlara dair məlumatların vətəndaşlara ödənişsiz olaraq SMS vasitəsilə göndərilməsidir.

Yeni qüvvəyə minmiş İnzibati Xətalar Məcəlləsinə əsasən İnzibati xəta haqqında elektron protokol və ya inzibati xəta haqqında iş üzrə qərar vətəndaşların “ASAN ödəniş” portalıüzərindənşəxsi kabinetində yerləşdirilməyənədək vətəndaşdan ödəniş tələb edilə bilməz.

Qeyd edək ki,vətəndaşlar ödənişlərini www.asanpay.az portalı üzərindən bank kartları ilə yanaşı, “ASAN ödəniş” terminalları vasitəsilə nağd formada da həyata keçirə bilərlər. Ödəniş terminallarıhazırda Bakı şəhər Baş Polis İdarəsinin Dövlət Yol Polisi İdarəsinin inzibati binasında,“SOCAR” yanacaqdoldurma məntəqələrində, cərimə meydançalarında, avtomobil dayanacaqlarında, ticarət mərkəzlərində və əhalinin intensiv toplaşdığı digər ictimai yerlərdə quraşdırılıb. Terminallar şəbəkəsi gələcəkdə daha da genişləndiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi