Yuxarı

​Azərbaycanda qadınlar kişilərdən daha çox yeyir

Kişilər yumurtadan daha çox istifadə edir

Bakı. 16 sentyabr. REPORT.AZ/ Azərbaycanda qadınlar kişilərlə müqayisədə çörək məhsullarından daha çox istifadə edir. Bu barədə "Report"a Dövlət Statistika Komitəsindən (DSK) məlumat verilib.

Məlumatda bildirilib ki, ölkə əhalisinin qadın cinsinə mənsub nümayəndələri 2014-cü ildə adambaşına 140,2 kq çörək məhsulları istehlak ediblər. Bu göstərici kişlər arasında 139,7 kq olub. 2013-cü ildə bu rəqəmlər qadınlar arasında 141,9, kişilər arasında isə 141,5 kq olub.

2014-cü il ərzində süd və süd məhsullarından qadınlar 275,4 kq, kişilər 274,1 kq istifadə edib. Bu göstərici 2013-cü illə müqayisədə xeyli aşağı düşüb. Belə ki, 2013-cü ildə qadınlar bu ərzaq növünü il ərzində 292 kq istehlak edib. Kişilərdə isə bu göstərici 284,1 kq olub.

Ötən il ərzində qadınlar 156,7, kişilər 157,7 ədəd yumurta istehlak edib.

Məlumatda o da bildirilib ki, 2013-cü illə müqayisədə hər iki cinsin nümayəndələri meyvə və giləmeyvə istehlakını artırıb, qənd və qənnadı məmulatlarının istehlakını azaldıb. Qadınlar və kişilər 2013-cü ildə adambaşına 75 kq meyvə yedikləri halda, ötən il bu göstərici 77 kq olub. Qənd və qənnadı məhsullarının istehlakını isə hər iki cinsin nümayəndələri azaldaraq 31 kq-dan 30 kq-a endiriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi