Yuxarı

Azərbaycanda nazirlik bir ildə 14 min vətəndaşı qəbul edib

Sorğu xarakterli müraciətlərlə əlaqədar vətəndaşlarla hüquqi izahat işi də aparılıb

Bakı. 9 yanvar. REPORT.AZ/ Azərbaycan Əmək və Əhalinin Sosial Müdafiəsi Nazirliyinin (ƏƏSMN) rəhbərliyi və məsul şəxsləri tərəfindən ötən il fərdi qaydada qəbul edilən vətəndaşların sayı 14 160 nəfər təşkil edib. Onlardan 13 415 nəfəri nazirliyin qəbul otağına müraciət edənlər olub. "Report" xəbər verir ki, bu barədə nazirliyin İctimaiyyətlə əlaqələr şöbəsinin yaydığı məlumatda bildirilir.

Vətəndaşlardan 946 nəfəri əmək və əhalinin sosial müdafiəsi naziri tərəfindən “Mərkəzi icra hakimiyyəti orqanları rəhbərlərinin respublikanın şəhər və rayonlarında vətəndaşların qəbulu cədvəli"nə uyğun olaraq keçirilən qəbullar zamanı (745 nəfər) və ƏƏSMN-də (201 nəfər) qəbul edilib.

Qalan 13 214 nəfərdən 231 nəfəri ƏƏSMN-də nazir müavinləri və aparat rəhbəri, 12 983 nəfəri nazirliyin digər məsul şəxsləri tərəfindən qəbul edilərək müraciətləri dinlənilib.

Müraciətlərdə əksini tapan məsələlər obyektiv şəkildə araşdırılıb və qanunvericiliyin tələblərinə uyğun tədbirlər görülüb. Həmçinin, ayrı-ayrı vətəndaşların müraciətlərinə əsasən bir sıra sosial təminat növləri, reabilitasiya avadanlıqları ilə təmin olunublar. Sorğu xarakterli müraciətlərlə əlaqədar vətəndaşlarla hüquqi izahat işi də aparılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi