Yuxarı
    Bağlamaq

    ​Azərbaycan əhalisinin sayı 9,5 mln.-u ötüb

    Bu il ölkədə 95,4 min körpə doğulub

    Bakı. 15 sentyabr. REPORT.AZ/ Bu il avqust ayının 1-nə Azərbaycan əhalisinin sayı 9 540,4 min nəfərə çataraq, ilin əvvəlindən 63,3 min nəfər və ya 0,7% artıb. Bu barədə “Report”a Dövlət Statistika Komitəsindən məlumat verilib.

    Əhalinin sıxlığı 1 kv. km-ə 110 nəfər olub. Hazırda hər 1 000 nəfər kişiyə 1 011 nəfər qadın düşür. Əhalinin ümumi sayının 53,2%-i şəhər, 46,8%-i kənd sakinləridir.

    Bu ilin yanvar-iyul ayları ərzində ölkədə 95,4 min körpə doğulub və əhalinin hər 1 000 nəfərinə hesabı ilə bu göstərici 17,4 təşkil edib. Doğulanların 53,6%-ni oğlanlar, 46,4%-ni qızlar təşkil edir.

    Cari ilin əvvəlindən Azərbaycanda 32,7 min ölüm halı qeydə alınıb və əhalinin hər 1 000 nəfərinə hesabı ilə ötən ilin müvafiq dövrü ilə müqayisədə ölüm əmsalı 6,1-dən 6,0-a düşüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi