Aytən Muradova: Azərbaycanda Aliment Fondunun yaradılması təklifi aktualdır

Azərbaycanda Aliment Fondunun yaradılması ilə bağlı təkliflər aktualdır.

"Report" xəbər verir ki, bunu 2 saylı Bakı "Asan Xidmət" Mərkəzində Ədliyyə Nazirliyinin Qeydiyyat şöbəsinin rəisi Aytən Muradova Gənc Ailə Forumunda deyib.

O qeyd edib ki, hazırda alimentin məbləği 235 manatdır:

"Azərbaycanda alimentin ödənilməsindən boyun qaçıranların sayı az deyil. Bu problem digər ölkələrdə Aliment Fondunun yaradılması ilə həll edilib. Yəni, alimenti ödəyə bilməyən valideynin öhdəliyini dövlət öz üzərinə götürür. Azərbaycanda da bu mexanizmin tətbiqi təklif edilir".