Ailələrə verilmiş uşaqların internat müəssisələrinə geri qayıdışı dayandırıldı

"Hazırkı koronavirus pandemiyasının gedişatı uşaqların qloballaşmış infeksion xəstəliklərin mənfi təsirlərinə eyni dərəcədə məruz qalmadığını, bir çox hallarda daha həssas olduqlarını göstərir".

"Report" xəbər verir ki, bu Azərbaycanın İnsan Hüquqları üzrə Müvəkkilinin (Ombudsmanın) ölkədə yeni növ koronavirus (COVID-19) infeksiyasının yayılmasının qarşısının alınması ilə bağlı fəaliyyəti çərçivəsində uşaq hüquqlarının müdafiəsi sahəsində görülən işlərə dair məlumatında öz əksini tapıb.

Qeyd olunub ki, bu ərəfədə internat müəssisələrində yaşayan uşaqlar ailələrinə verilib, uşaq evlərində yaşayan və ailələrinə verilmiş uşaqların müəssisələrə geri qayıdışı dayandırılıb, digər qrup müəssisələrdə isə xüsusi karantin rejimi və sosial izolyasiya tədbirləri gücləndirilib.