Agentlik sədri: “Əlillik təyinatlarının kəsilməsi ilə bağlı müraciətlərin çoxu əsassızdır”

“Ötən il əlillik təyinatı ilə bağlı qiymətləndirməyə 80 mindən artıq forma daxil olub”.

“Report” xəbər verir ki, bunu Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyinin sədri Cavid Əbdül-Qədirov “Sosial saat”da deyib.

Onun sözlərinə görə, həmin şəxslərdən cəmi 31%-ə təyinat verilib.

Sədr qeyd edib ki, əlillik təyinatlarının kəsilməsi ilə bağlı müraciətlərin çoxu əsassızdır: “Araşdırmaların yekununda məlum olur ki, sadəcə təyin olunan müddət başa çatıb və yenidən aidiyyəti üzrə müraciət edilməlidir”.