Sosial xidmət göstərilən qazilərin sayı açıqlanıb

"121 000 nəfər müharibə iştirakçısı və qaziyə 220 000-dən çox müxtəlif sosial xidmət göstərilib".

"Report" xəbər verir ki, bunu Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin sədri Anar Bayramov jurnalistlərə açıqlamasında deyib.

"Ümumilikdə, 4500 mənzil, 324 avtomobil müharibə iştirakçıları, qazilər və şəhid ailələrinə təqdim edilib. Yüzlərlə işsiz müharibə iştirakçısı işlə təmin edilib",- o bildirib.