Ukraynada Azərbaycan Xalq Cümhuriyyətinin 100 illiyi ilə bağlı poçt markası buraxılıb

Bakı. 16 may. REPORT.AZ/ Ukraynada Azərbaycan Xalq Cümhuriyyətinin 100 illiyi ilə bağlı poçt markası buraxılıb.

Azərbaycanın Ukraynadakı səfirliyindən "Report"a verilən məlumata görə, yüksək nəfisdə və tərtibatda hazırlanan poçt markalarının sayı 2000 ədəddir.

Markalarda Azərbaycan Xalq Cümhuriyyətinin parlament binasının, iclasının, Şərqdə ilk dəfə qadına səsvermə hüququ verilən obrazın təsvirləri yer alıb. Ümumilikdə, Azərbaycan Xalq Cümhuriyyəti dövrünün mövzusu ətraflı şəkildə qeyd edilib.

Azərbaycanın Ukraynadakı səfirliyi tərəfindən hazırlanan poçt markası bu gündən dövriyyəyə buraxılıb.