Yuxarı

Çex Respublikasının XİN başçısı: "Şərq Tərəfdaşlığı proqramı özünü doğruldub"

Tomas Petrşiçek: "Şərq Tərəfdaşlığı proqramı özünü doğruldub"

1962

Bakı. 28 yanvar. REPORT.AZ/ "Avropa İttifaqının Şərq Tərəfdaşlığı proqramı çox uğurludur və özünü artıqlaması ilə doğruldub".

“Report” xəbər verir ki, bunu “Ukrinform”a Çex Respublikasının xarici işlər naziri Tomas Petrşiçek bildirib.

O, proqramın demokratiya, insan hüquqları, hüququn aliliyi, hər ölkənin öz müqəddəratını təyin etmək hüququ kimi dəyərlərə əsaslandığını Aİ-nin xarici siyasət sahəsindəki ən layiqli təşəbbüslərindən biri olduğunu dilə gətirib.

Şərq Tərəfdaşlığının iştirakçısı olan ölkələrdə siyasi islahatların, bəlkə də, dönməzlik həddini keçmədiyini, bir çox zəruri işlərin görülmədiyini qeyd edən nazir, bununla belə, sözügedən altı ölkə vətəndaşlarının əksəriyyəti tərəfindən Avropa dəyərlərinin, Avropa kimliyinin qəbul olunduğunu vurğulayıb: “Bu da çox mühüm birləşdirici amildir”.

Xatırladaq ki, Aİ tərəfindən 2009-cu ilin may ayından həyata keçirilən Şərq Tərəfdaşlığı proqramı Azərbaycan, Belarus, Ermənistan, Gürcüstan, Moldova, Ukrayna ilə regional əməkdaşlığın inkişafını hədəfləyir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi