Yuxarı

Rusiya prezidentinin idarə rəisi Azərbaycana səfər edəcək

Rusiya prezidentinin idarə rəisi Azərbaycana səfər edəcək
Vladimir Çernovla birlikdə Bakıya Rusiya Federasiya Şurasının sədr müavini İlyas Umaxanov da gələcək

Bakı. 8 may. REPORT.AZ/ Rusiya prezidentinin xarici ölkələrlə regionlararası və mədəni əlaqələr idarəsinin rəisi Vladimir Çernov bu həftə Azərbaycana səfər edəcək.

Bu barədə "Report"a Rusiyanın Azərbaycandakı səfirliyindən bildirilib.

Səfərin məqsədi mayın 10-da Bakıda keçiriləcək ümummilli lider Heydər Əliyevin anadan olmasının 95 illiyinə həsr olunmuş sərginin açılışında iştirak etməkdir.

Rusiyanın nümayəndə heyətinə həmçinin Rusiya Federasiya Şurasının sədr müavini İlyas Umaxanov da daxil olacaq.

Qeyd edək ki, "Heydər Əliyev: Şəxsiyyət. Missiya. İrs" adlı Rusiya-Azərbaycan tarixi-sənədli sərgi mayın 10-da Heydər Əliyev Mərkəzində açılacaq. Tədbir Azərbaycan Respublikasının Prezidenti və Rusiya Federasiyasının Prezidenti administrasiyaları tərəfindən təşkil olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi