Yuxarı

Moldova prezidenti Azərbaycan səfiri ilə COVID-19 ilə mübarizəni müzakirə edib

​Moldova prezidenti Azərbaycan səfiri ilə COVID-19 ilə mübarizə məsələ
Dinlə

© aif.md — Qüdsi Osmanov və İqor Dodon

Moldova prezidenti İqor Dodon Azərbaycanın bu ölkədəki səfiri Qüdsi Osmanovun təşəbbüsü ilə onunla işgüzar görüş keçirib.

“Report” Moldova KİV-inə istinadən xəbər verir ki, tərəflər iki ölkə arasındakı əlaqələrin inkişafı ilə bağlı bir sıra məsələləri müzakirə edib və bütün dünyanı cənginə alan koronavirus pandemiyası ilə bağlı fikir mübadiləsi aparıblar.

Səfir Moldova rəhbərliyinin atdığı addımları yaxından izlədiyini qeyd edib və hökumətin COVID-19 ilə mübarizədə gördüyü tədbirləri yüksək qiymətləndirib. Q.Osmanov bu çətin dövrdə Azərbaycan diasporunun Moldova xalqı ilə çiyin-çiyinə olduğunu və Moldova prezidentinin başlatdığı sosial layihələrin həyata keçirilməsində ölkə hökumətinə dəstək verməyə hazır olduqlarını bildirib.

İ.Dodon səmimiyyət və həmrəyliyə görə Azərbaycan tərəfinə təşəkkür edib. Dövlət başçısı bütün bəşəriyyətin üzləşdiyi bu böhranı yalnız birgə səylərlə aradan qaldırmağın mümkün olduğunu vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi