Ekspert: "Rusiya Azərbaycanla münasibətlərin möhkəmləndirilməsində maraqlıdır"

Bakı. 26 oktyabr. REPORT.AZ/ "Rəsmi Moskva Azərbaycanla münasibətlərin möhkəmləndirilməsində maraqlıdır".

Bunu "Report"a açıqlamasında rusiyalı hərbi ekspert İqor Korotçenko deyib.

"Rusiya ilə Azərbaycan arasında heç bir problem yoxdur. Bu baxımdan müttəfiqlik münasibətləri reallıqdır", - ekspert bildirib.

Regiondakı vəziyyəti şərh edən İ.Korotçenko qeyd edib ki, ümumilikdə, ABŞ-ın İrana qarşı mümkün addımlar atması riski qalır və Azərbaycan üçün bu da əlavə riskdir.

"Hərbi güc faktoru mühüm rol oynayır, ölkə Silahlı Qüvvələrini gücləndirməkdə, müasir silahlar almaqda davam edir. Hazırkı şəraitdə bu satınalma sığorta üçündür və Azərbaycan doğru addım atıb bununla məşğul olur. Bu gün hərbi güc suverenliyin mühüm elementlərindən biridir", - rusiya hərbi ekspert vurğulayıb.