Yuxarı
    Bağlamaq

    Əfqanıstan prezidentinin Azərbaycana səfər proqramı açıqlanıb

    Əfqanıstan prezidentinin mətbuat xidməti: Əşrəf Qəni Azərbaycanda bir sıra ikitərəfli görüşlər keçirəcək© Emily Jan/NPR

    Bakı. 13 noyabr. REPORT.AZ/ Əfqanıstan prezidenti Əşrəf Qəninin Azərbaycana səfəri dekabrın 1-də baş tutacaq.

    Bu barədə "Report"a Əfqanıstan prezidentinin mətbuat xidmətindən məlumat veriblər.

    Əşrəf Qəninin Azərbaycana səfərinin əsas məqsədi noyabrın 30-dan dekabrın 1-dək Bakıda keçiriləcək "Asiyanın qəlbi" - İstanbul prosesi tədbirinin 7-ci Nazirlər Şurasında iştirak etməkdir.

    Bundan əlavə, mətbuat xidmətinin məlumatına görə, Bakıya səfəri zamanı Ə.Qəni Azərbaycan rəsmiləri ilə bir sıra ikitərəfli görüşlər keçirəcək.

    Xatırladaq ki, Azərbaycan hazırda Əfqanıstan ilə birlikdə bu prosesə həmsədrlik edir. Qarşıdakı tədbirin əsas mövzusu "Asiyanın qəlbi" prosesi regionunun gücləndirilməsi istiqamətində təhlükəsizlik və iqtisadi əlaqələrdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi