Yuxarı
    Bağlamaq

    Azərbaycan səfiri Borjomi dərəsində güclü meşə yanğınları olan yerə baş çəkib

    Azərbaycan diplomatları yanğının lokallaşdırılmasından sonrakı vəziyyətlə tanış olublar

    Bakı. 29 avqust. REPORT.AZ/ Azərbaycanın Gürcüstandakı səfiri Dursun Həsənov və səfirliyin işçiləri Borjomi dərəsində güclü meşə yanğınları olan yerə baş çəkiblər.

    Azərbaycanın Gürcüstandakı səfirliyindən "Report"a verilən məlumata görə, azərbaycanlı diplomatlar yanğının lokallaşdırılmasından sonrakı vəziyyətlə tanış olublar.

    Gürcüstanın Baş naziri Giorgi Kvirikaşvili və yanğınsöndürmə qərargahının digər üzvləri meşə yanğınlarının söndürülməsinə dair işlər barədə ətraflı məlumat veriblər.

    Xatırladaq ki, Borjomi milli parkında yanğın təxminən iki həftə əvvəl meydana gəlib. İsti hava və güclü külək səbəbinə görə yanğın sürətlə yayılıb və Gürcüstan qonşularından yardım istəmək məcburiyyətində qalıb. Azərbaycanın Fövqəladə Hallar Nazirliyi yanğınsöndürmə prosesi üçün texnika və canlı qüvvə ayırıb.

    Yanğının ötən həftə lokallaşdırılıb və FHN əməkdaşları avqustun 28-də ölkəyə qayıdıblar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi