Avropa Şurasının baş katibi vəzifəsinə namizədlər müəyyənləşib

Bakı. 10 yanvar. REPORT.AZ/ Avropa Şurasında təşkilatın yeni baş katibi vəzifəsinə namizədlərin kimliyinə aydınlıq gəlib.

"Report" "RİA Novosti"yə istinadən xəbər verir ki, bunlar Belçikanın xarici işlər naziri Didye Reynders və Litvanın sabiq baş naziri Andryus Kubilyusdur.

Qeyd olunur ki, vəzifəyə namizədlərin təqdim edilməsi üçün son vaxt Strasburq vaxtı ilə bu gün saat 18:00-da başa çatacaq, buna görə başqa birisinin iddiaçı olmaq ehtimalı azdır.

Hazırda baş katib vəzifəsini norveçli Turbyorn Yaqland tutur.