Yuxarı

Aİ səfiri: "Azərbaycan özünü etibarlı enerji tərəfdaşı kimi göstərib"

​Aİ səfiri: "Azərbaycan özünü etibarlı enerji tərəfdaşı kimi göstərib"

© Report/ Elchin Murad — Kestutis Yankauskas

"Azərbaycan uzun illər ərzində özünü etibarlı enerji tərəfdaşı kimi göstərib. Bu gün iqtisadi və sosial sahələrdə əməkdaşlığı davam etdiririk".

"Report" xəbər verir ki, bunu Avropa İttifaqının Azərbaycandakı nümayəndəliyinin rəhbəri, səfir Kestutis Yankauskas Bakıda keçirilən "Şərq Tərəfdaşlığı" proqramının gələcəyinə dair struktur məsləhətləşmələrdə deyib.

"Son illər ərzində 34 fərqli Azərbaycan qurumu Aİ ilə 21 birgə layihədə iştirak edib. Azərbaycan, həmçinin tvinninq layihələrinin sayına görə liderdir. Coğrafi mövqeyinə baxmayaraq, Azərbaycan Aİ ilə münasibətlərdə çox fəaldır", - o bildirib.

Səfir bu müzakirələr çərçivəsində Azərbaycanın Aİ ilə və "Şərq Tərəfdaşlığı" proqramı çərçivəsində əməkdaşlığın inkişafını necə gördüyünü başa düşməyin vacib olduğunu da qeyd edib.

Qeyd edək ki, bu məsləhətləşmələr Aİ-yə üzv ölkələrlə tərəfdaş ölkələr arasında bu ilin may ayında Brüsseldə keçirilmiş və "Şərq Tərəfdaşlığı"nın yaradılmasının 10 illiyinə həsr olunmuş Yüksək Səviyyəli Konfransda başladılan qeyri-rəsmi fikir mübadiləsinin bir hissəsidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi