ABŞ Prezidentinin milli təhlükəsizlik məsələləri üzrə müşaviri Azərbaycana gəlib

Bakı. 24 oktyabr. REPORT.AZ/ ABŞ Prezidentinin milli təhlükəsizlik məsələləri üzrə müşaviri Con Bolton Azərbaycana gəlib.

"Report" xəbər verir ki, səfər zamanı C.Bolton rəsmi şəxslərlə Azərbaycan və ABŞ arasındakı əməkdaşlığın inkişafı, eləcə də regional məsələlərin müzakirə olunacağı bir sıra görüşlər keçirəcək.

Qeyd edək ki, o, daha əvvəl Azərbaycan, Ermənistan və Gürcüstana səfərləri zamanı bu ölkələrin Suriyada vəziyyətin tənzimlənməsinə təminatçı dövlətlərin - İran, Rusiya və Türkiyə ilə münasibətlərində oynadıqları geosiyasi rolun vacibliyini dəyərləndirəcəyini bildirib.

C.Bolton Cənubi Qafqaza gəlməmişdən əvvəl Rusiyada səfərdə olub.