"Qaçqınkom"un strukturuna daxil olmayan tabeliyindəki qurumların siyahısına dəyişiklik edilib

Bakı. 13 sentyabr. REPORT.AZ/ Nazirlər Kabineti 2011-ci il 5 iyul tarixli qərarla təsdiq edilmiş "Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin strukturuna daxil olmayan tabeliyindəki qurumların Siyahısı"na dəyişiklik edib.

"Report"un məlumatına görə, bu barədə qərarı baş nazir Novruz Məmmədov imzalayıb.

Qərara əsasən Qaradağ rayon Lökbatan Mənzil-Kommunal İstismar Sahəsi "Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin strukturuna daxil olmayan tabeliyindəki qurumların Siyahısı"na əlavə olunub.