Prezident İlham Əliyevin Beyləqan rayonuna səfəri başlayıb

Bakı. 12 noyabr. REPORT.AZ/  Azərbaycan Prezidenti İlham Əliyev noyabrın 12-də Füzuli rayonuna səfərini başa çatdıraraq Beyləqan rayonuna gəlib.

"Report" xəbər verir ki, dövlət başçısı xalqımızın ümummilli lideri Heydər Əliyevin Beyləqan şəhərinin mərkəzində ucaldılmış abidəsini ziyarət edərək önünə gül dəstəsi qoyub.

Beyləqan Rayon İcra Hakimiyyətinin başçısı Vaqif Abdullayev Prezident İlham Əliyevə son vaxtlar rayonda görülən işlər, həyata keçirilən layihələr, o cümlədən abidənin yerləşdiyi Heydər Əliyev Parkında yaradılan şərait barədə məlumat verib. Bildirilib ki, burada sakinlərin və qonaqların istirahəti üçün hər cür şərait yaradılıb, yaşıllıqlar salınıb.