Azərbaycan polisi yay geyim formasına keçib

Bakı. 2 iyun. REPORT.AZ/ Bu gündən etibarən Azərbaycan Daxili İşlər Nazirliyinin (DİN) polis heyəti yay geyim formasına keçir. Bu barədə "Report"a Baş Dövlət Yol Polisi İdarəsinin (BDYPİ) 6-cı taqımının baş inspektoru, polis baş leytenantı Bakir Həsənov məlumat verib. O bildirib ki, havaların isti keçməsi ilə əlaqədar olaraq polislər yay geyim formasında xidmət aparacaqlar: "Bu barədə artıq daxili əmr verilib. Geyim formasına uzunqol köynək və qalstuk daxildir. Havalar isti keçir deyə, qalın geyimlə xidmət aparmaq çətinləşib".