“Azərbaycan Sənaye Korporasiyası”nın tütün və şüşə istehsalı müəssisələrinin nizamnamə kapitalı artırılıb

“Azərbaycan Sənaye Korporasiyası” ASC-yə məxsus “Azərtütün Aqrar Sənaye Kompleksi” MMC-nin nizamnamə kapitalı 928 465 manat və yaxud 32,1% artırılaraq 2 892 400 manatdan 3 820 865 manata çatdırılıb.

“Report” bu barədə Korporasiyaya istinadən xəbər verir.

Məlumata görə, bununla yanaşı, quruma məxsus “ASK Şüşə” MMC-nin nizamnamə kapitalı 957 174 manat və yaxud 3,5% artırılaraq 27 541 311 manatdan 28 498 485 manata çatdırılıb.