“Təmiz Şəhər”in Müşahidə Şurasının iclası keçirilib

“Təmiz Şəhər” ASC-nin Müşahidə Şurasının növbəti iclası keçirilib.

"Report" bu barədə səhmdar cəmiyyətinə istinadən xəbər verir.

Məlumata görə, iclasda Şuranın sədri və üzvləri ilə yanaşı, dövlət şirkətinin İdarə Heyətinin sədri və əməkdaşları, həmçinin Ekologiya və Təbii Sərvətlər Nazirliyinin, Azərbaycan İnvestisiya Holdinqinin nümayəndələri iştirak edib.

Görüşdə Cəmiyyətin koordinasiya ofisinin yaradılması və rəhbərinin təyin olunması, 2022-ci il üzrə idarəetmə hesabatı və 2023-cü il üzrə korporativ əsas səmərəlilik göstəriciləri ətrafında fikir mübadiləsi aparılıb, müvafiq qərarlar verilib.

Müşahidə Şurası ölkə prezidentinin 22 sentyabr 2021-ci il tarixli sərəncamına əsasən yenidən formalaşdırılıb.