Sentyabrda Azərbaycanın qızıl ixracından gəlirləri 2 %-dək artıb

Bu ilin sentyabr ayında Azərbaycan 18,4 milyon ABŞ dolları dəyərində qızıl ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın oktyabr sayında bildirilir.

Sənədə əsasən, bu, 2021-ci ilin sentyabr ayı ilə müqayisədə 0,3 milyon ABŞ dolları və ya 1,6 % çoxdur.

2022-ci ilin yanvar-sentyabr ayları ərzində Azərbaycan 128,3 milyon ABŞ dolları dəyərində qızıl ixrac edib ki, bu da 2021-ci ilin 9 aylıq göstəriciləri ilə müqayisədə 29,9 milyon ABŞ dolları və ya 18,9 % azdır.

Bu ilin yanvar-sentyabr aylarında Azərbaycanın ümumi ixracı 29,5 milyard ABŞ dolları, qeyri-neft sektoru üzrə ixrac 2,1 milyard ABŞ dolları təşkil edib.