Yuxarı
    Bağlamaq

    Özbəkistan avtomobil brendi Bakıda 4 yeni modelini təqdim edib - FOTO

    Səfir: Azərbaycan Özbəkistanın Cənubi Qafqazda ən yaxşı tərəfdaşıdır

    Bakı. 26 noyabr. REPORT.AZ/ Bakıda Özbəkistanın yeni avtomobil brendi olan “Ravon”un təqdimatı keçirlib. 

    “Report”un məlumatına görə, “Ravon” Özbəkistanın məşhur avtomobil brendi olan “UZ-Daewoo”nun yenilənmiş brendidir.

    Özbəkistanın Azərbaycandakı səfiri Şerzod Fayziyev bildirib ki, rəsmi Daşkənd Azərbaycanla əməkdaşlığa böyük önəm verir: "Azərbaycan Özbəkistanın Cənubi Qafqazda ən etibarlı tərəfdaşıdır".

    Qeyd edək ki, “Ravon” Özbəkistanda 10 ilə qədər “Chevrolet” avtomobilləri istehsal edən “General Motors-Uzbekistan”la birgə istehsal edilib. Hazırda Özbəkistan avtomobil sənayesində dünyanın 12 ölkəsinə ixrac edilən 20-dən artıq müxtəlif avtomobil növu istehsal edilir. Həmin avtomobillər “General Motors" yanaşı, Almaniyanın “MAN” və Yaponiyanın “Isuzu” şirkətləri ilə ortaq istehsal edilib.

    Bakıda təqdimat zamanı “Ravon”un 4 əsas modeli nümayiş etdirilib. Onlar “Ravon R”, “Ravon Nexia”. “Ravon Gentra” və “Ravon R4” modelləridir. 

    Təşkilatçıların “Report”a verdiyi məlumata görə, təqdim edilən avtomobillərin start qiyməti 12 min manat olacaq. Avtomobillər həm nağd, həm kredit, həm də lizinqlə satılacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi