Ötən ay Azərbaycan qızıl ixracından gəlirlərini 18 % artırıb

Bu ilin mart ayında Azərbaycan 10,4 milyon ABŞ dolları dəyərində qızıl ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın aprel sayında bildirilir.

Sənədə əsasən, bu, 2021-ci ilin mart ayı ilə müqayisədə 1,6 milyon ABŞ dolları və ya 18,2 % artıb.

Xatırladaq ki, bu ilin yanvar-mart ayları ərzində Azərbaycanın ixracı 8 milyard ABŞ dolları, qeyri-neft sektoru üzrə 727,2 milyon ABŞ dolları təşkil edib. Qeyri-neft sektoru üzrə ixrac 2021-ci il ilə müqayisədə 225,6 milyon ABŞ dolları və ya 45 % artıb.