“General Motors” 73 min elektrikli avtomobili geri çağırır

Amerikanın avtomobil istehsalçısı “General Motors” (GM) 73 min avtomobili geri çağırır.

Bu barədə “Report” “Reuters” agentliyinə istinadən xəbər verir.

Bunlar 2020 - 2022 model elektrikli avtomobillər “Chevrolet Bolt EV”, “EUV” və 2019-cu ildə istehsal edilən “Bolt EV” modelləridir.

Belə ki, avtomobillərin batareyalarında yanğına səbəb ola biləcək iki qüsur aşkarlanıb. Bu model elektrik avtomobillərin satışı da qeyri -müəyyən müddətə dayandırılacaq.

“GM” dəyən ziyanı batareya təchizatçısı “LG”dən geri istəyəcək. Şirkət dəymiş zərərin miqdarını 1 milyard ABŞ dolları dəyərində qiymətləndirib.