Bakı. 27 sentyabr. REPORT.AZ/ “Azərbaycan Dəmir Yolları” QSC Azərbaycan paytaxtından Rusiya sərhədinə qədərki Bakı-Yalama dəmir yolu xəttinin təmirinə hazırlıq görür.
“Report” xəbər verir ki, bu barədə qurumun sədri Cavid Qurbanov Bakıda keçirilən Azərbaycan-Rusiya Regionlararası Forumu çərçivəsində təşkil olunmuş nəqliyyat və yükdaşımalar sahəsində əməkdaşlığın möhkəmləndirilməsinə dair paneldə bildirib.
“Bununla bağlı keçirilmiş tenderin sənədləri artıq imzalanma ərəfəsindədir. Növbəti ildən işlərə başlayacağıq”, - deyə o, qeyd edib.