"Azərtütün Aqrar Sənaye Kompleksi" yenidən təşkil olunur

“Azərbaycan Sənaye Korporasiyası” ASC-yə (ASK) məxsus “Azərtütün Aqrar Sənaye Kompleksi” MMC yenidən təşkil olunur.

“Report” bu barədə İqtisadiyyat Nazirliyi yanında Dövlət Vergi Xidmətinin “Vergilər” qəzetinə istinadən xəbər verir.

Məlumata görə, buna səbəb onun tərkibindən “ASK Tütün” MMC-nin ayrılmasıdır. Son nəticədə 1-cinin nizamnamə kapitalı 359 962 manat və yaxud 1,6% azaldılaraq 22 257 298 manatdan 21 897 336 manata endiriləcək. Kreditor 1 ay ərzində tələblərini Bakı şəhəri, Yasamal rayonu, Tbilisi prospekti, ev 35 (məhəllə 1033) ünvanına bildirə bilərlər.