"Azersun Holding" Azərbaycan dərman bazarında 20-30% paya sahib olmaq niyyətindədir

"Azersun Holding" Azərbaycan dərman bazarında 20-30% paya sahib olmaq niyyətindədir Savaş Uzan: "İnşasına başladığımız dərman zavodunu 2018-ci ildə istismara verməyi planlaşdırırıq"
Sənaye
234
29 Aprel , 2017 14:00
Azersun Holding Azərbaycan dərman bazarında 20-30% paya sahib olmaq niyyətindədir

Bakı. 29 aprel. REPORT.AZ/ "İnşasına başladığımız dərman zavodunu 2018-ci ildə istismara verməyi planlaşdırırıq". "Report" xəbər verir ki, bunu layihənin icraçısı olan "Azersun Holding"ın baş icraçı direktoru Savaş Uzan deyib.

S.Uzanın sözlərinə görə, Azərbaycanda yerli əczaçılıq zavodlarının olması ölkənin dərmana olan tələbatının ödənilmə səviyyəsini artıracaq: "Bizim inşa etdiyimiz müəssisə ilə yanaşı daha iki dərman zavodu da tikilir. Həmçinin, idxal da olacaq. Biz bazarın 20-30%-nə sahib olmağı düşünürük".

"Azersun" rəsmisi, həmçinin "Interglass" şirkəti ilə də anlaşdıqlarını və artıq qablaşdırma ilə bağlı sifarişin verildiyini deyib.

Son xəbərlər

Orphus sistemi