Yuxarı
    Bağlamaq

    "Azərikimya"da ictimaiyyətlə görüş keçiriləcək

    Mayın 5-də keçiriləcək ictimai dinləmə Karbamid Zavodunun tikintisinə həsr olunub

    Bakı. 2 aprel. REPORT.AZ/ Azərbaycan Dövlət Neft Şirkətinin (SOCAR) Ekologiya İdarəsi və Azot gübrəsi-karbamid istehsalı Zavodu “Karbamid zavodunun tikintisi və istismarı dövrü üzrə Ətraf Mühitə Təsirlərin Qiymətləndirilməsi (ƏMTQ)” sənədi ilə əlaqədar maraqlı tərəfləri ictimai dinləməyə dəvət edir.

    “Report” SOCAR-a istinadən xəbər verir ki, ictimai dinləmə mayın 5-də “Azərikimya” İB-nin inzibati binasının iclas zalında keçiriləcək. Hazırlanmış ƏMTQ sənədi ilə tanış olmaq istəyənlər Ekologiya İdarəsinə, “Azərikimya” İB-nin Etilen-Polietilen Zavoduna, SOCAR-ın Karbamid Zavodunun müvəqqəti ofisinə və Sumqayıt şəhəri Mərkəzi Kitabxanasına müraciət edə bilərlər.

    Dinləmələr zamanı Ekologiya İdarəsinin və Azot gübrəsi - karbamid istehsalı Zavodunun mütəxəssisləri tərəfindən layihə haqqında ətraflı məlumat veriləcək, iştirakçıların sualları cavablandırılacaq və təklifləri dinləniləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi