“AzerGold” Beynəlxalq Qadınlar Günü münasibətilə şəhid analarını ziyarət edib

“AzerGold” QSC 8 Mart – Beynəlxalq Qadınlar Günü münasibətilə Daşkəsən rayonunda qeydiyyatda olan şəhid analarını ziyarət edib.

"Report" səhmdar cəmiyyətinə istinadən xəbər verir ki, yerli əhali və icmalarla iş prioritet istiqaməti çərçivəsində təşkil edilmiş ziyarətin məqsədi ölkəmizin ərazi bütövlüyü uğrunda həyata keçirilmiş hərbi əməliyyatlar zamanı həlak olmuş şəhidlərimizin ailə üzvlərinin daim diqqətdə saxlanılması, onların hərtərəfli qayğı ilə əhatələnməsi istiqamətində dövlətimizin yürütdüyü siyasətə əlavə töhfə verməkdir.

Ziyarət zamanı şəhid anaları və həmçinin onların xanım vərəsələrinə “AzerGold”un adından təbrik məktubu, gül buketi və hədiyyə kartı təqdim edilib, şəhidlərimizin xatirəsi dərin hörmət və ehtiramla yad edilib.