Azərbaycanda yaxın 5 ildə qeyri-neft/qaz sənayesi hər il orta hesabla 8,3 % artacaq

Azərbaycanda yaxın 5 ildə qeyri-neft/qaz sənayesi hər il orta hesabla 8,3 % artacaq, sənaye zonalarının qeyrineft/qaz sənaye istehsalında payı 15 %, qeyri-neft/qaz sənaye ixracında payı isə 25 % olacaq.

"Report" xəbər verir ki, bu, Prezident İlham Əliyevin bu gün təsdiqlədiyi "2022-2026-cı illərdə sosial-iqtisadi inkişaf Strategiyası"nda öz əksini tapıb.

"İnformasiya və rabitə sektorunda hər il orta hesabla 10 %-dən çox, tikinti sektorunda isə təxminən 3 % artım olacaq. 2026-cı ildə turistlərin yerləşdirilməsi və ictimai iaşə sektorunda yaradılacaq əlavə dəyər 2019-cu illə müqayisədə 1,5 dəfə artacaq", - deyə sənəddə qeyd olunub.