Azərbaycanda şüşə istehsalı sentyabrda 58 % artıb

Bu ilin yanvar-sentyabr aylarında Azərbaycanda 7 milyon 610,4 min kvadratmetr tikinti şüşəsi istehsal edilib.

“Report” Dövlət Statistika Komitəsinə istinadən xəbər verir ki, bu, 2023-cü ilin eyni dövrü ilə müqayisədə 14,3 % çoxdur.

Təkcə sentyabr ayında isə 874 min kvadratmetr şüşə istehsal olunub ki, bu da ötən ilin eyni dövrünün göstəricisindən 58 % çoxdur.

Bu ilin oktyabrın 1-nə olan vəziyyətə görə, Azərbaycanda 1 milyon 571,9 min kvadratmetr hazır məhsul ehtiyatı olub.

Xatırladaq ki, 2023-cü ildə Azərbaycanda 8 milyon 807 min kvadratmetr tikinti şüşəsi istehsal edilib ki, bu da əvvəlki ilə nisbətən 12,9 % azdır.