Azərbaycanda polad boru istehsalı 2 dəfədən çox artıb

Bu ilin yanvar-fevral aylarında Azərbaycanda 26 min ton polad boru istehsal edilib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 2,1 dəfə çoxdur.

Təkcə fevralda isə ölkədə 12,1 min ton polad boru istehsal olunub ki, bu da 1 il əvvələ nisbətən 37,5 % çoxdur.

Bu il martın 1-nə olan vəziyyətə görə, ölkədə 4 min ton hazır məhsul ehtiyatı olub.

2024-cü ildə Azərbaycanda 109,8 min ton polad boru istehsal edilib ki, bu da 2023-cü ilə nisbətən 62,3 % azdır.