Azərbaycanda pambıq mahlıcı istehsalı 30 % artıb

Bu ilin yanvar-may aylarında Azərbaycanda 44,32 min ton pambıq mahlıcı istehsal edilib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 30 % çoxdur.

Bu il iyunun 1-nə ölkədə 29,8 min ton hazır məhsul ehtiyatı olub.

Xatırladaq ki, 2024-cü ildə Azərbaycanda 73 min ton pambıq mahlıcı istehsal edilib ki, bu da 2023-cü illə müqayisədə 9,9 % azdır.