Azərbaycanda kürü istehsalı son 5 ildə 13 dəfə artıb

2024-cü ildə Azərbaycanda 1,3 ton nərə kürüsü istehsal edilib.

"Report"un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilə nisbətən 0,5 ton və ya 63 %, 2020-ci ilin göstərici ilə müqayisədə isə 1,2 ton və ya 13 dəfə çoxdur.

Hesabat dövründə Azərbaycanda 6,7 min ton balıq məhsulları (konservlər daxil olmaqla) istehsal edilib ki, bu da 1 il əvvələ nisbətən 4,2 ton və ya 2,7 dəfə, 5 il əvvəlki göstərici ilə müqayisədə isə 5 ton və ya 4 dəfə çoxdur.