Azərbaycanda kərpic istehsalı 8 %-dən çox artıb

Bu ilin yanvar-avqust aylarında Azərbaycanda 402,2 min kubmetr tikinti kərpici istehsal edilib.

“Report” Dövlət Statistika Komitəsinə istinadən xəbər verir ki, bu, 2023-cü ilin eyni dövrü ilə müqayisədə 8,1 % çoxdur.

Təkcə avqust ayında isə 48,1 min kubmetr kərpic istehsal olunub ki, bu da ötən ilin eyni dövrünün göstəricisindən 10,1 % azdır.

Bu ilin sentyabrın 1-nə olan vəziyyətə görə, Azərbaycanda 1,9 min kubmetr hazır məhsul ehtiyatı olub.

Xatırladaq ki, 2023-cü ildə Azərbaycanda 616,7 min kubmetr tikinti kərpici istehsal edilib ki, bu da əvvəlki ilə nisbətən 19,1 % azdır.