Azərbaycanda duru bitki yağı və marqarin istehsalının həcmləri açıqlanıb

Bu ilin yanvar-may aylarında Azərbaycanda 17 min 959,3 ton duru bitki yağları istehsal edilib.

“Report” Dövlət Statistika Komitəsinə istinadən xəbər verir ki, bu, 2023-cü ilin eyni dövrü ilə müqayisədə 23,9 % çoxdur.

Hesabat dövründə Azərbaycanda həmçinin 20 min 771,2 ton marqarin istehsal edilib ki, bu da 1 il əvvələ nisbətən 4,2 % çoxdur.

İyunun 1-nə ölkədə 4 min 670,2 ton duru bitki yağı ehtiyatı, 5 min 149,9 ton isə marqarin ehtiyatı yaranıb. Bu da, illik müqayisədə müvafiq olaraq 8,1 % və 6,1 % azdır.