Azərbaycanda duru bitki yağı və marqarin istehsalının həcmləri açıqlanıb

Bu ilin yanvar-iyun aylarında Azərbaycanda 21 min 264,3 ton duru bitki yağları istehsal edilib.

“Report” Dövlət Statistika Komitəsinə istinadən xəbər verir ki, bu, 2023-cü ilin eyni dövrü ilə müqayisədə 22,6 % çoxdur.

Hesabat dövründə Azərbaycanda həmçinin 25 min 787 ton marqarin istehsal edilib ki, bu da 1 il əvvələ nisbətən 2,6 % çoxdur.

İyulun 1-nə ölkədə 4 min 950,6 ton duru bitki yağı ehtiyatı, 7 min 603,4 ton isə marqarin ehtiyatı yaranıb. Bu da, illik müqayisədə müvafiq olaraq 15 % və 4,8 % çoxdur.